Адыгэ Республикэм хъыеныгъэу "Адыгэ КIотэнгъэ" (Черкесский Прогресс) щызэхащагъ


БлэкIыгъэ тхьэмафэм Адыгэ Республикэм хъыеныгъакIэ (движения) зэхащагъ. Ащ цIэу фашIыгъэр "Адыгэ КIотэнгъэ" (Черкесский Прогресс). ЗэхэщакIохэм къызэраIуагъэмкIэ Адыгэ Республикэм имызакъоу нэмыкI республикэхэу Урысые Федерацием хэтхэм я  лъэпкъ Iоф зэшIомыхыгъэхэу яIэхэр мафэ къэс нахьыбэ мэхъух, ащ пае мыщ фэдэ зэхэт купхэр (организациехэр) зэхэщэгъэн ыщыкIагъэу мэхъу а Iофхэм игъэкIотыгъэу адэлэжьэнхэм пае.

Хъыеныгъэр къэрэлагъо тхьапэхэм ахамытхэу Iоф ышIэщт ыкIи тапэкIэ хъыеныгъэм хэтхэм ищыкIагъэу алъытэмэ къэралыгъо тхьапэхэм ахатхэщт. Ащ фэдэу хабзэм (законым) фитыныгъэ къареты.

Хъыеныгъэм иапрэ зэхэсым хъыеныгъэм ихабзэ-зэхтшIыкIэ (устав) ащтагъ ытIанэ хъыеныгъэм игъэцэкIакIо куп хэтыщтхэр хадзыгъэх, ахэр: Мэлгощ Нурдин, ЩашIэ Аслъан,  Тхьагъэпсэу Нурбый, Агыр Аслъан ыкIи Бжьэц Аскэр. Хъыеныгъэм иеплъыкIоу хадзыгъ Бгъанэ Алый. ГъэцэкIакIо купым итхьэматэу хадзыгъ Агыр Аслъан. Тхьэматэ гуадзэу хадзыгъ Бжьэц Аскэр. Хъыеныгъэм тхьэмафэ къэс зэхэсыгъо иIэщт, бэрскэшхо мафэм сыхьатэ 19.00-м.